MAOMBI YA KUFUTA ALAMA ZA UHARIBIFU ZILIZOWEKWA NA WAZALASHAJI (WAKUNGA)

Na SNP King Mwangasa                   29/11/2015

          Moja ya watu mhimu sana katika kuzaliwa kwa mtu ni wazalisha au wakunga.

SNP King Mwangasa

Kwa wale waliozaliwa vjijini sana pasipo na hospital basi wakunga wa jadi walihusika na kwa waliozaliwa hospitali basi wakunga wa hospitali walihusika.

        Umhimu wa wazalisha hawa unakuja kutokana na kazi hizi Mhimu wanazozifanya wakati mama mjamzito anapofikia hatua ya kumleta mtu duniani. Zifuatazo ni kazi za wazalisha zile ninazozifahamu na naamini wataalam/madaktari wanaweza kutaja zaidi ya hizi kama zipo.

1. Kumsaidia mama wakati anapojifungua 
2. Kumpokea mtoto anapozaliwa 
3. Kumtenganisha mtoto na mama (Kukata kitovu kilichokuwa kikimwezesha mtoto kupokea chakula kutoka kwa mama) 
4. Kumsafisha mtoto na kumkagua kama yupo vizuri sambamba na kutambua jinsia yake kama ni wa kike au wa kiume. Na hapa mzalisha atahakikisha anatengeneza mazingira ya kumfanya mtoto alie hali ambayo inampa mtoto score au alama fulani na inamaana kubwa sana katika ufahamu wa mtoto. 
5. Anamfunika mtoto na nguo 
6. Anamkabidhi mtoto kwa mama au kwa ndugu wa mama kulingana na mazingira yenyewe hasa pale mama anapomzaa mtoto kwa njia ya upasuaaji ni kawaida kwamba atakuwa hajitambui (Unconscious) kiasi cha kumpokea mtoto.

 Je biblia inatambua hatua hizo hapo juu?

Ezekiel 16:4,5 maandiko yanaeleza wazi kuwa mtoto huyu aliyetajwa hapa hakutendewa mojawapo ya mambo hayo sita.

     Mwanzo 38:27-30, Biblia inatuambia mama aliyekuwa na ujauzito, alipokuwa katika kujifungua mzalisha alimfunga mtoto wa kwanza kitambaa chekundu(Alama) mkononi na hatujui alijuaje kama mama huyu atajifungua watoto mapacha maana hata Ultrasound hazikuwepo wakati huo, mimi sijui utalamu alioutumia. “…mtoto mmoja akatoa mkono, mzalisha akautwaa uzi mwekundu akaufunga mkononi mwake, huku akisema, Huyu ametoka kwanza”

Mstari ya 29 unaonyesha huyu mtoto alirudisha mkono na kisha ndugu yake akatoka na mzalisha akamuuliza swali “Mbona umepita kwa nguvu wewe? na hakuishia kumuliza swali akamwambia “Mambo ya nguvu na yakuandame” akaitwa Peresi. Baadae yule aliyerudisha mkono na amewekwa alama ya kitambaa chekundu mkononi akatoka na akaitwa Zera.

Mtoto huyu aliyefungwa mkono inaonyesha mambo yake hayakuwa mazuri sana ukilinganisha na Peresi. Majemedari wa Israel wametanjwa kama watoto wa Peresi na zera haonekani popote katika watu wakuu wa Israel. ( 1 Nyakati 27:2,3 Nehemia 11:6) Maandiko haya yanawataja watoto wa Peresi kama maakida.

     Kutoka 1:15-17, Mfalme wa Misri aliongea na wazalisha. Swali kwa nini Mfalme wa Misri aliamua kuongea na wazalisha wa Waebrania? Kabla ya kuwafuata wazalisha alikubaliana na wasimamizi kuwatendea kwa akili, kufanya kazi ngumu ili wasiongezeke lakini HAIKUFUA DAFU, na akaona njia pekee ya kuwamaliza ni wakati wanapozaliwa na mzalisha ni mtu sahihi na ana nguvu ya kuwaacha hai au kuwaua.

Ufunuo 12:1-6. Shetan ndiye aliyeweka wazo hili kwa Farao na hata baadae akaweka ndani ya Herode ili kumuua mtoto Yesu, ndiye yule yule nyoka wa zamani na hata leo anatumia hila zilezile ili awafunge watu kupitia mawakala wake.

     Je, Unajua ni nini kilitokea ulipozaliwa? Kilitokea nini walipozaliwa watoto wako? Wazazi au ndugu na jamaa zako? Kuna wazalisha wengine wamepewa maelekezo na shetani kama Farao mfalme wa Misri alivyowapa maelekezo Pua na Shifra.

Maisha ya watu wengi yamewekewa alama na wazalisha, wametamkiwa maneno (Mazuri au mabaya). Je unajua ulitamkiwa nini au uliwekewa alama gani?

Uliyezaliwa kwa waganga wa jadi walikutamkia nini? na walikuwekea alama gani? Hata wewe uliyezaliwa Hospitalini wazalisha waliokupokea walikuwa na maelekezo ya nini kifanyike juu yako na kutoka kwa nani, Mungu au kwa shetani? Farao alitoa Amri kwa wazalishaji na shetani anaongea na wazalisha, anawapa maelekezo ya wafanye nini na mtoto anayezaliwa.

     Mikono iliyokupokea duniani ilikufunga na nini? na ilimwakilisha nani? Kinywa kilichokupokea duniani kilinena nini? Je walikuhifadhi hai na baraka zako? Au walizifunga? Au waliziua? Nyota yako ilihifadhiwa hai? au ilifunikwa? Au ilichukuliwa? Au ilifichwa?

Wazalisha hawa Pua na Shifla walikuwa wacha Mungu wakawahifadhi hai na vipawa vyao, na baraka zao. Je wazalisha wako walikuhifadhi hai na baraka zako, heshima yako na vipawa vyako? Jihoji mwenyewe! Kama una shaka, huna hakika!

    Simama basi, na ufute kila alama, na maneno ya wazalisha wako, futa kila madhara yaliyotokana na alama ulizofungwa na maneno uliyotamkiwa, dai chocho wanachokishikilia maishani mwako, yafute maneno yao ya laana waliyoyatamka kwako, ifute mikono yao inayoshikilia maisha yako, futa jina lako popote liliporekodiwa kwa ubaya na wazalisha wako, rudisha biashara yako iliyofungwa siku ulipozaliwa, futa aibu uliyowekewa siku ulipozaliwa na jinene baraka za Mungu kwelikweli na ulinzi wa damu ya Yesu inenayo mema ikufunike na vitu vyote, inene mema, itamke kinyume na kila neno baya, isimame kinyume cha kila alama mbaya na maisha yako yachanue na kung’ara kwa sura halisi ya Kimungu. Kwa maombi haya Bwana akutendee katika jina la Yesu Kristo AMEN.

Hapa chini ni picha za mamia ya watu matukio mbalimbali wakati wa ibada.

Add caption