LIANGALIE TATIZO LAKO KWA JICHO LA KIMUNGU

SOMO: LIANGALIE TATIZO LAKO KWA JICHO LA KIMUNGU.

Na. MP Paul

1Samwel 17:40-47.

MP Paul

“..... akajichagulia mawe laini matano katika kijito cha maji, akayatia katika mfuko wa kichungaji aliokuwa nao, maana ni mkoba wake, na kombeo lake alikuwa nalo mkononi mwake, akamkaribia yule Mfilisti. Huyo Mfilisti naye akamsogelea Daudi na kumkaribia; na mtu yule aliyemchukulia ngao yake akamtangulia. Hata Mfilisti alipotazama huku na huku, akamwona Daudi akamdharau; kwa kuwa ni kijana tu mwekundu, tena ana sura nzuri. Mfilisti akamwambia Daudi, Je! Mimi ni mbwa hata umenijia kwa fimbo? Mfilisti akamlaani Daudi kwa miungu yake. Mfilisti akamwambia Daudi, Njoo huku kwangu; nyama yako nitawapa ndege wa angani na wanyama wa mwituni. Ndipo Daudi akamwambia yule Mfilisti, Wewe unanijia mimi na upanga, na fumo, na mkuki, bali mimi ninakujia wewe kwa jina la Bwana wa majeshi, Mungu wa majeshi ya Israeli uliowatukana. Siku hii ya leo Bwana atakuua mkononi mwangu, nami nitakupiga, na kukuondolea kichwa chako, nami leo nitawapa ndege wa angani na wanyama wa nchi mizoga ya majeshi ya Wafilisti, ili kwamba dunia nzima wajue ya kuwa yuko Mungu katika Israeli. Nao jamii ya watu wote pia wajue ya kwamba Bwana haokoi kwa upanga wala kwa mkuki; maana vita ni vya Bwana, naye atawatia ninyi mikononi mwetu.”

Kulikuwa na vita kati ya Wafilisti na Israel na wafilisti wakataka mtu mmoja atakayeweza kupigana na shujaa wao Goliath badala ya kuingia vitani na kuwauwa watu wasio na hatia. Israel wakiongonzwa na Sauli mfalme wao waliogopa na hawakutoa mtu wa kupigana na Goliath. Siku moja Mzee Yese akamtuma mwanawe Daudi kuwapelekea wanawe wakubwa waliokuwepo vitani na Sauli na Daudi aliposikia Mfilisti Goliath tena asiyetahiriwa anayatukana majeshi ya Bwana hakupendezwa na akaamua kuchukua hatua za kujua kwani majeshi ya Bwana kutukanwa na hata walipomwambia kuna Goliath mtu wa vita tangu ujana wake hakuogopa, akamwangalia goliath kwa jicho la Ki-Mungu akamwona mdogo akaenda kwa Mfalme Sauli, akampa CV yake iliyojaa habari za ushujaa na ushindi uliotokana na kuangalia matatizo kwa jicho la kiungu.
Hatimaye sauli alipomruhusu akapigane, alipokuwa akienda aliokota mawe laini matatu yaaani alimwona Goliath kama tatizo dogo na akamwambia wewe wanijia kwa upanga, na fumo, na mkuki lakini mimi ninakujia kwa jina la Bwana wa majeshi uliyoyatukana.

Watu wakisikiliza ujumbe

Haijalishi una tatizo lenye jina kubwa kiasi gani, limrkuwepo kwa mda gani, ugonjwa ulionao una jina kubwa kiasi gani, wanaokuonea wana cheo gani wewe waendee kwa jina la Bwana Yesu akaaye ndani yako nawe upoke ushindi wako.

Daudi hakuangalia ukubwa wa goliath na vitisho vyake, nawe leo tumia jina la Yesu kuondoa kila tatizo linalokusumbua iwe ni kansa, ukimwi, kufirisika na kila kitu kinachokutatiza.
Baada ya majibizano ya muda Goliati akaanza kumfuata Daudi naye Daudi akamfuata akizungusha kombeo lake kumwelekea Goliath na ndivyo ilivyo kwako ufanyaye bidii kwenda kanisani kwamwabudu Mungu, bidii yako katika kuomba, kusoma neno na kumtumikia Mungu kwa namna mbalimbali.

Unahitaji jambo moja tuu tumia jina la Yesu uliyenaye, kwa kupigwa kwake tumepona, Goliath alibeba upanga na daudi aliutumia huohuo kumkata kichwa.
Yageuze mabaya waliyokunuwizia yawapate wenyewe, silaha zao walizoziandaa kutuharibu na zirudi kwao wenyewe, mashimo waliyoyachimba watumbukie wenyewe, na mitego yao iwanase wenyewe katika jina la Yesu Kristo wan a Nazareth.

Mama Yetu Mrs.Mwangasa akiubariki mkutano

Yesu anasema “Njoni kwangu, ninyi nyote msumbukao na wenye kulemewa na mizigo, nami nitawapumzisha” yaani haijalishi ni mzigo mgubwa kiasi gani Yesu ni jina kuu lipitalo majina Yote, na chukulia kwa mfano tuu wewe ni Tingatinga na mbele yako kuna tatizo bajaji je utaogopa kwamba usalama wako uko hatarini au bajaji ndo yenye kuogopa? Mfano mwingine ni chukulia wewe ni Train na mbele yako kuna umbwa utaogopa kwamba umbwa atakuharibu au kwamba wewe ndiye mwenye kumdhuru kwa kuondoa kabisa uhai wake?

Umembeba Yesu ambaye ni zaidi ya Tingatinga na Train kwa ulinganifu wa tatizo kama mnyama umbwa, leo angusha tatizo lako kwa jina la Yesu Kristo wa Nazareth na ubaki huru na aliyebarikiwa. Amen

Read More

SOMO: KATIKA MLIMA WA BWANA ITAPATIKANA

Na, AP Hosea Shaban.

MWANZO 22:13-18

AP Hosea Shabani

“............ Ibrahimu akapaita mahali hapo Yehova-yire,kama watu wasemavyo hata leo,Katika mlima wa BWANA itapatikana. Malaika wa Bwana akamwita Ibrahimu mara ya pili kutoka mbinguni akasema, Nimeapa kwa nafsi yangu asema Bwana, kwa kuwa umetenda neno hili, wala hukunizuilia mwanao, mwanao wa pekee, katika kubariki nitakubariki, na katika kuzidisha nitauzidisha uzao wako kama nyota za mbinguni, na kama mchanga ulioko pwani; na uzao wako utamiliki mlango wa adui zao; na katika uzao wako mataifa yote ya dunia watajibarikia; kwa sababu umetii sauti yangu”

Mungu alipomjaribu Ibrahimu amtoe sadaka mwanawe pekee Isaka, (mwana aliyempata kwa ahadi, mrithi na aliyempata akiwa mzee sana) na Ibrahimu bila kuyaangalia mazingira hayo na thamani ya mtoto huyo kwake akamtoa mwanawe Isaka mpaka hatua ya mwisho.

Mungu alikuwa anataka kuona moyo wa Ibrahimu kwake, na baada ya kuthibitisha kwamba hakika Ibrahimu ananipenda hata hawezi kunizuilia kitu chochote basi

Watu wengi tumekuwa tukitaka Mungu atende kama tunavyotaka na sio sisi tutende sawa na neno lake, tunataka neno la Mungu litufuate baadala ya kulifuata neno la Kristo. Tunapaswa kufahamu kwamba ili tumiliki malango ya adui zetu na Baraka hizi za Ibrahimu zitimie kwetu ni kwa kuenenda sawa na neno la Mungu kwenye maisha yetu na maadamu mtu ana imani kwa Mungu yuko tayari kutoa yale aliyonayo na kutii neno la Mungu sawa na neno lake.

Kwa kile alichokifanya Ibrahimu, kukubali kumtoa mwanawe Isaka ilimfanya Mungu aape kwa jina lake mwenyewe Mwanzo 22:15-16 “….Bwana akamwita Ibrahimu mara ya pili kutoka mbinguni akasema, NIMEAPA KWA NAFSI YANGU ASEMA BWANA, kwa kuwa umetenda neno hili”

Ibrahimu alikwenda kutoa sadaka katika kilima cha Bwana akapokea Baraka kuu mno, na yesu alikufa katika kilima cha Bwana nasi tukapata wokovu na leo upo katika kilima cha Bwana kwa kumtazama Yesu msalabani alipoangikwa unapata kile unachokihitaji nawe utamiliki malango ya adui zako na ushindi juu ya yote.

Ni habari njema kwako kwamba leo katika mlima wa Bwana Baraka zako zinapatikana, amani yako inapatikana, furaha yako inapatikana, ushindi wako unapatikana, kazi yako inapatikana na  Baraka zako zote kwa kumwamini mwana wa Mungu Yesu Kristo, nakila shida iliyokusumbua inakuacha huru sasa kwa kuwa wewe ni mwana wa Mungu unastahili Baraka hizi zote, kila shimo ulilochimbiwa liwanase wenyewe,  mawe waliyoyabilingisha yawarudie wenyewe uyamiliki malango ya maadui zako kwa jina Yesu wa nazareth. Amen.

Read More

NEEMA JUU YA NEEMA

SOMO:NEEMA JUU YA NEEMA.
Na. Hossea Shabani

Watu wote tumeokolewa kwa neema ambayo haikutokana na matendo yetu mazuri, au kwamba tulitoa vitu vya thamani sana hata Mungu akatupa wokovu sisi. Mambo haya hayamaanishi kwamba wengine wote ambao hawajapata wokovu na kubakia katika utumwa wa shetani.

Na maandiko yanasema katika Yoh 1:1-16.
“Hapo mwanzo kulikuwako Neno, naye Neno alikuwako kwa Mungu, naye Neno alikuwa Mungu. Huyo mwanzo alikuwako kwa Mungu. Vyote vilifanyika kwa huyo; wala pasipo yeye hakikufanyika cho chote kilichofanyika. Ndani yake ndimo ulimokuwa uzima, nao ule uzima ulikuwa nuru ya watu. Nayo nuru yang'aa gizani, wala giza halikuiweza.……….. Bali wote waliompokea aliwapa uwezo wa kufanyika watoto wa Mungu, ndio wale waliaminio jina lake; waliozaliwa, si kwa damu, wala si kwa mapenzi ya mwili, wala si kwa mapenzi ya mtu, bali kwa Mungu. Naye Neno alifanyika mwili, akakaa kwetu; nasi tukauona utukufu wake, utukufu kama wa Mwana pekee atokaye kwa Baba; AMEJAA NEEMA NA KWELI. Yohana alimshuhudia, akapaza sauti yake akasema, Huyu ndiye niliyenena habari zake ya kwamba, Ajaye nyuma yangu amekuwa mbele yangu; kwa maana alikuwa kabla yangu. KWA KUWA KATIKA UTIMILIFU WAKE SISI SOTE TULIPOKEA, NA NEEMA JUU YA NEEMA.”

Mungu mwenyewe aliamua kutuokoa kwa neema, TUKAPOKEA NEEMA JUU YA NEEMA, hatukustahili wokovu huu tulionao lakini Mungu kupitia mwanawe akaamua kushuka chini akavaa mwili akaamua kutuokoa kwa namna ya ajabu. Na baada ya kuipata neema hii Mungu anatutaka tuishirikishwe kwa wengine ili na wengine pia waweze kuipata neema hiyo.

Tutambue kwamba sisi si BORA kuliko wengine, na tukishatambua kwamba sisi si bora kuliko wengine tutathamini neema tuliyoipata na kuchukua hatua za makusudi kuihubiri kwa wengine ili nao wapate, maana hata sisi pia tuliisikia neema hii kutoka kwa waliotutangulia na hata tukapata kuamini na vivyo tuwasikizishe habari njema za neema hii wengine.

Neema hii ilimgharimu Mungu avae mwili na kuja kama mwanadamu ili tuu kutufikishia neema hii, nasi tukijua haya basi tufanye bidii kuyatenda mapenzi yake kazi ile aliyoifanya naam zaidi sana sawa na maagizo yake.
Nafurahi kuona una shauku ya kuipokea neema hii na wewe uliyeipokea unaendelea kuiishi neema hiyo, naam hata ikajaza mitaa yetu, mikoa na vitongoji vyake kwa utukufu wa Mungu.

Kwako usiye na neema hii, nina habari njema kwako kwamba ipo neema tele kwa ajali yako ipokee leo na uanze maisha mapya ya ushindi katika neema yake. 

Amen.

Read More

KURUDI KWENYE KUSUDI LA MUNGU LA MILELE

SOMO: KURUDI KWENYE KUSUDI LA MUNGU LA MILELE

RP Adriano akifundisha ndani nyumba ya ufufuo na uzima Moshi

Na RP Adriano.

Kila mtu ana kusudi ambalo Mungu ameliweka ndani yake, ambalo ndilo limebeba maana ya yeye kuishi na ukiondoa kusudi unaondoa maana ya yeye kuishi na ukimuua mtu huyu unakuwa umeharibu kusudi.

Kutoka 4:19 “Bwana akamwambia Musa huko Midiani, Haya, nenda, karudi Misri; kwa kuwa wale watu wote waliokutaka uhai wako wamekwisha kufa.”

Waebrania 11:23- “Kwa imani Musa, alipozaliwa, akafichwa miezi mitatu na wazazi wake, kwa sababu waliona kwamba ni mtoto mzuri; wala hawakuiogopa amri ya mfalme. Kwa imani Musa alipokuwa mtu mzima, akakataa kuitwa mwana wa binti Farao; akaona ni afadhali kupata mateso pamoja na watu wa Mungu kuliko kujifurahisha katika dhambi kwa kitambo; akihesabu ya kuwa kushutumiwa kwake Kristo ni utajiri mkuu kuliko hazina za Misri; kwa kuwa aliyatazamia hayo malipo. Kwa imani akatoka Misri, asiogope ghadhabu ya mfalme; maana alistahimili kama amwonaye yeye asiyeonekana.”

Kwa imani Musa akakataa kuitwa mwana wa Binti Farao, Musa alikuwa anaongea kwa imani na iwe hivyo kwako leo kataa kuitwa maskini, kataa kuitwa tasa, kataa kuitwa mgonjwa, kataa kuitwa asiye na mbele wala nyuma na kila jina unaloitwa kinyume na makusudi ya Mungu kwa kuwa ulizaliwa kwa kusudi.

Baada ya kufa aliyeitafuta roho ya mtoto Yesu (Herode), Yusufu aliambiwa arudi na Musa pia walipokufa Farao na viongozi wake waliomtafuta aliambiwa arudi yaani akae akifanya anachotakiwa kukifanya, arudi kwenye makusudi ya Mungu na kufanya kile anapaswa kukifanya.

Watu wakisikiliza neno la Mungu alipokuwa akihubiri RP Adriano Ufufuo na uzima Moshi.

Tumeshambulia jana na kumumaliza anayetafuta maisha yako na yote uyafanyayo na sasa leo tuendelee mbele, hapo ulipo sasa KATAA KUONEWA, KATAA KUDHARAULIWA, KATAA KUIBIWA NA SHETANI MAWAKALA WAKE KWENYE MAENEO YOTE YA MAISHA YAKO KIMAFANIKIO, na mambo haya tunayakataa kwa imani yaani Rohoni nayo yanadhihirika katika  mwili.

 

Rumi 10:17” Basi imani, chanzo chake ni kusikia; na kusikia huja kwa neno la Kristo.” Tunakwenda makanisani kusikia neno na tunasoma neno kwenye mitandao imani yetu inajengwa na tunapata nguvu za kuharibu falme za giza na kurudi kwenye makusudi ya Bwana yale aliyotukusudia maishani

Maandiko yanaonyesha Israel walipokuwa utumwani walionewa na Mungu aliweka kusudi lake ndani ya Musa na shetani alipotaka kumuua Musa ililazimikia afe yeye ili makusudi ya Mungu yatimie ndani ya watu wake Israel.

Mwanzo 15:8-16 Maandiko yanaoonyesha kuwa hiki kilitokea kwa sababu ilikuwa ni makusudi ya Mungu, na Ibrahimu aliagana na Mungu mambo haya kwa hiyo isingekuwa rahisi kuharibu makusudi ya Mungu, na kwako pia Mungu ana makusudi ya kufanya kupitia wewe hutakufa na itafikia wakati watakuheshimu tuu maana itatokea bila wewe hawatafanikiwa kama ilivyokuwa kwa Yusufu walewale waliomfunga walimtoa ili awatafusirie ndoto, awatawale, awasaaidie.

Majeshi ya Platform yakimsifu Mungu ndani ya nyumba ya ufufuo na uzima Moshi

Majeshi ya Platform yakimsifu Mungu ndani ya nyumba ya ufufuo na uzima Moshi

Tuombe pamoja maombi haya, “KWA JINA LA YESU KRISTO TUNAWAFYEKA WOTE WANAONIZUIA KUINGIA KWENYE MAKUSUDI YA MUNGU, WAFYEKWE MAJOKA NA WATAWALA WOTE WANAO ZUIA MAKUSUDI YA MUNGU KWENYE MAISHA YETU, KILA FARAO WA MAISHA YAKO NA AFE MWENYEWE KATIKA JINA LA YESU KRISTO WA NAZARETH.

Katika jina la Yesu wewe ukaheshimiwe na waliokuonea wakitaka kusafiri wakute we ndo mtoaji wa visa, wakitaka kupona magonjwa yao wakakute we ndo mwenye dawa pekee ya shida yao, wakakuheshimu na Bwana akakuinue kati ya wote ukajazwe kicheko badala ya huzuni na ukafurahie makusudi ya Mungu kwako na yakatimie kwa jina la Yesu.

Amen.

Read More